《PSG放弃与安历基谈判 是因佢早已与车路士达成协议?》
时间:2020-05-27 出处:M微生活
《原创文章 欢迎转载 请列明出处 谢谢》-请支持蓝狮 Facebook专页-按此观看图片 .图片来源 : The Sun早前获巴黎圣日门首席球星尼马所推荐为下任主帅人选既安历基,近日被多间法媒指出PSG放弃并中止同佢既谈判,而主要原因係因为哩位前巴塞隆拿既主教练早已与车路士达成协议,似乎现任主帅干
《原创文章 欢迎转载 请列明出处 谢谢》-请支持蓝狮 Facebook专页-《PSG放弃与安历基谈判 是因佢早已与车路士达成协议?》 按此观看图片 .图片来源 : The Sun早前获巴黎圣日门首席球星尼马所推荐为下任主帅人选既安历基,近日被多间法媒指出PSG放弃并中止同佢既谈判,而主要原因係因为哩位前巴塞隆拿既主教练早已与车路士达成协议,似乎现任主帅干地同蓝军一拍两散只係时间问题,但安历基真係车路士既合适人选?自干地上任后将三中坚元素完美注入到蓝军既体系裏面,喺首季就打出一段记录性既联赛不败战绩,最终上季亦问鼎英超冠军宝座,意大利人绝对係功不可没,但其实冠军既背后就连外界都知道,车路士本身存在唔少问题,而最重要既係板凳深度不足。干地当然想正视问题,多番与管理层反映,可惜结果都依然唔轮到佢话,球会继续保持量入为出政策,宁愿滥于充数地极其量买左啲二线球员,都唔肯真金白银买番啲一线当打既世界级球星,实行你有你讲,佢有佢缩数。当然,干地向来都係一个有性格、唔会比你任打唔嬲唔出声既领队,即使面对大众传媒,佢依然亳不畏惧地向外界三番四次表达对管理层既不满,而言即使去到岩岩哩个冬季转会窗,管理层继续有你无你保持一贯方针,并未有作出任何改善,花费多一点收购一啲具质素既球员番黎。干地与高层之间既关係自今季经历过唔同大小既事件后,破裂程度几乎已经达到无法修补既地步,可以话就算会方唔解僱干地,意大利人亦都好大机会喺季后自己请辞离开。向来艾巴莫域治都非常崇尚进攻足球,同时十分欣赏巴塞隆拿既踢波风格,即使近年都少左到车路士主场睇波,将球队既财政事务及内部事宜都交哂比管理层,但换帅方面人油王绝对有一定既话事权,安历基过往的确好似喺表面上大打进攻足球,但实质係咪咁相信心水清既球迷係有眼见。而无可否认既係,假设哩位西班牙主帅真係掌蓝军帅印的话,深信艾巴莫域治喺买卖球员方面又要洗番一班巨额资金,原因亦十分简单。经过干地哩近两季既时间,车路士经已成为一队比三中坚阵式支配住既球队,虽然未算得上发挥得淋漓尽致,但每个球员既骨子裏都经已种着左哩种元素喺入面,贸然依加请一个唔熟悉用三中坚既安历基,基本上係等于将哩两季所建立既体系同战术通通「砍掉重练」,阵容中多个位置就好似摩西斯、马高斯阿朗素哩啲只能活在三中坚阵式既球员就必定首当其冲无得留底,安历基必定要再花一笔喺市场上寻找自己心仪既球员。 加上佢喺巴塞既往绩并唔说得上相当可仁,临场调动亦多番令外界摸不着头脑,并且一改喺巴塞建立得好深远既「Tiki Taka」踢法,令佢既下手现任巴塞主帅华维迪都需要花唔少功夫至回复到以前既打法;说实话,如果干地季后真係走,亦希望球会请番一个係打开三中坚阵式既主帅,至少可以继续将干地留下既遗产延续落去,如果唔係就只会走番之前以前既路,哩两季既所有野都付诸流水。文章最后更新时间 : 22/03/2018 22:00来源 : leparisien《原创文章 欢迎转载 请列明出处 谢谢》蓝狮 每週出文 用心写每篇文章 给我们一个Like作支持


上一篇: 下一篇: